ერთ სოფელში ცხოვრობდა უცნაური ბებო, რომელიც ყველას ჭკუას არიგებდა. მას სულაც არ ეხებოდა, მაგრამ მაინც ვერ ითმენდა, ლაპარაკობდა და ლაპარაკობდა,ისე კეთილშობილებით მოსდიოდა, ყველასთვის კარგი უნდოდა. ხომ იცით ბავშვებს სულაც არ უყვართ ჭკუის სწავლება, ერთხელაც გაბრაზდნენ და გადაწყვიტეს ბებოსთვის ხრიკი მოეწყოთ. კიბის საფეხურები გახერხეს, ბებომაც ფეხი დადგა და ჩაუტყდა. არ ინერვიულოთ, არაფერი დაუშავებია, უბრალოდ ცოტა ხნით დაკარგა გონება და აღმოჩნდა უჩინმაჩინების ქალაქში. ქალაქი უზარმაზარი იყო, ძალიან ლამაზი, სადაც არ უნდა შესულიყავით, ყველაფერი კრიალებდა. თქვენ წარმოიდგინეთ ამ ქალაქში ბებია მერმაც კი მიიპატიჟა და საპატიო სტუმარს ქალაქის კუნჭულიც კი დაათვალიერებინა. ბებომ აქ მოხვედრის ამბავიც მერისგან გაიგო, კი გაბრაზდა, მაგრამ რას იზამდა. რომ მოსაღამოვდა დასაძინებლად დაწვა, თვალები რომ გაახილა უკვე სახლში იყო. გაღიმებულმა ბავშვებს უთხრა: თქვენი ხუმრობა ნამდვილად ცუდი იყო, მაგრამ თქვენი წყალობით გასაოცარი ქალაქი ვნახე, ძილის წინ მოგიყვებით იქაურ ამბებსო.
ალექსანდრე ბაზღაძე
No comments:
Post a Comment